Къулыкъум фагъэпытагъ
Монополием пэшIуекIогъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ (УФАС) муниципальнэ образованиеу «Къалэу Мыекъуапэ» изэтегъэпсыхьан фэгъэзэгъэ хэушъхафыкIыгъэ къулыкъум фигъэпытагъ монополием пэшIуекIорэ хэбзэгъэуцугъэр нахьыбэрэ ымыукъонэу.
Хьадэ фэIо-фашIэхэр зыгъэцэкIэрэ унэе предпринимателым итхьаусыхэ тхылъэу монополием пэшIуекIогъэнымкIэ Федеральнэ къулыкъум АР-мкIэ и ГъэIорышIапIэ IэкIигъэхьагъэм итыгъ хьадэхэм ягъэтIылъын фэгъэзэгъэ хэушъхьафыкIыгъэ къулыкъум ифитыныгъэ зэриукъуагъэр.
Тхьаусыхэ тхылъым зыхаплъэхэм нафэ къэхъугъ муниципальнэ образованиеу «Къалэу Мыекъуапэ» изэтегъэпсыхьан фэгъэзэгъэ къулыкъум монополием пэшIуекIорэ хэбзэгъэуцугъэр зэриукъуагъэр, хьадэм игъэтIылъынкIэ Iизын къаратынэу зыщыкIэлъэIурэ тхылъхэу нэмыкI къулыкъухэм цIыфхэм къаIахыгъэхэр регистрацие ышIынэу зэримыдагъэр. Къулыкъур ащ фэдэу зэрэзекIуагъэм хьадэ фэIо-фашIэхэм ягъэцэкIэнкIэ иамалхэм къыкIыригъэчын ылъэкIыщт.
«Муниципальнэ обрзованиеу «Къалэу Мыекъуапэ» изэтегъэпсыхьан фэгъэзэгъэ къулыкъум фэдгъэпытагъ хэукъоныгъэ зэримышIыжьырэр къэзыушыхьатырэ тхылъыр мэкъуогъум и 21-м нэс заримыхьылъэкIэ, хэбзэгъэуцугъэр ащ зэриукъорэм ехьылIэгъэ Iофыр монополием пэшIуекIогъэнымкIэ Федеральнэ къулыкъум АР-мкIэ и ГъэIорышIапIэ къызэрэпиIэтыщтымкIэ», — къытыгъ ФАС-м АдыгеимкIэ и ГъэIорышIапIэ ипресс-къулыкъу.